حضور پُر نور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کی کسی صفت کو کسی گھٹیا چیز کے ساتھ تشبیہ دینا کفر ہے:-*

حضور پُر نور  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ  کی کسی صفت کو کسی گھٹیا چیز کے ساتھ تشبیہ دینا کفر ہے:-*
 ترجمۂ کنز العرفان       
 *دیکھو! انہوں نے تمہارے لئے کیسی مثالیں بیان کی ہیں تو یہ گمراہ ہوئے پس یہ راستہ پانے کی طاقت نہیں رکھتے۔*
 تفسیر صراط الجنان         
{ اُنْظُرْ  : دیکھو!}  ارشاد فرمایا کہ یہ کفار حضور اکرم  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ  کیلئے کیسی باتیں  کہتے ہیں  کہ آپ     صَلَّی اللّٰہُ تَعَالٰی  عَلَیْہِ وَاٰلِہٖ وَسَلَّمَ  کو ناقص صفات کے ساتھ تشبیہ دیتے ہیں   جیسے جادوگر، کاہن وغیرہ کے ساتھ۔ *( بیضاوی، بنی اسرائیل، تحت الآیۃ : ۴۸،۳ / ۴۵۰، ملخصاً )*   
 اس سے معلوم ہوا کہ حضورِ اقدس  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ  کو یا آپ کی کسی صفت کو کسی گھٹیا چیز کے ساتھ تشبیہ دینا کفر ہے، جیسے سرکارِ دوعالَم  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ  کے علمِ مبارک کو  مَعَاذَاللّٰہ  عَزَّوَجَلَّ کوئی جانوروں کے علم سے  تشبیہ دے تو یقینا ایسا شخص تَوہین کا مُرتکب ہے۔