تمام رسولوں پر نماز کی قرات میں کھڈے ہو کر سلام قرآن سے ثابت ہیں منافق حضور ﷺ کی تعظیم کے منکر ہیں قرآن کی دلیل کو نہیں مانتے بینا سند کے انکار کرتے ہیں

تمام رسولوں پر نماز کی قرات میں کھڈے ہو کر سلام قرآن سے ثابت ہیں منافق  حضور ﷺ کی تعظیم کے منکر ہیں قرآن کی دلیل کو نہیں مانتے بینا  سند کے انکار کرتے ہیں :-* 

 ترجمۂ کنز العرفان       

تمہارا رب عزت والا ان تمام باتوں سے پاک ہے جو وہ بیان کرتے ہیں ۔ اور رسولوں پر سلام ہو۔ اور تمام تعریفیں اس اللہ کیلئے ہیں جو تمام جہانوں کا پالنے والا ہے۔ *(سورۃ الصفت آیت نمبر 180/182)* 

 تفسیر صراط الجنان        

{ سُبْحٰنَ رَبِّكَ : تمہارا رب پاک ہے۔}  یعنی اے حبیب! صَلَّی اللہ تَعَالٰی عَلَیْہِ وَاٰلِہٖ وَسَلَّمَ، آپ کا عزت والا رب ان تمام باتوں سے پاک اور بَری ہے جو کافر اس کی شان میں  کہتے ہیں اور اس کے لئے شریک اور اولاد ٹھہراتے ہیں ۔ *(تفسیر طبری، الصافات، تحت الآیۃ: ۱۸۰، ۱۰ / ۵۴۳ ، ملخصاً)*   

{ وَ سَلٰمٌ عَلَى الْمُرْسَلِیْنَ   : اور رسولوں  پر سلام ہو۔}  اللہ تعالیٰ اور اس کے بندوں     کے درمیان واسطہ اور وسیلہ چونکہ رسول ہیں  اس لئے ان کی شان کے بارے میں آگاہ کرتے ہوئے فرمایا کہ رسولوں پر سلام ہو جنہوں نے  اللہ تعالیٰ کی طرف سے توحید اور احکامِ شرع پہنچائے کیونکہ انسانی مَراتب میں  سب سے اعلیٰ مرتبہ یہ ہے کہ وہ خود کامل ہواور دوسروں کی تکمیل کرے، یہ شان انبیاءِ کرام  عَلَیْہِمُ الصَّلٰوۃُ وَالسَّلَام   کی ہے ،لہٰذا ہر ایک پر ان حضرات کی پیروی اور ان کی اِقتدا لازم ہے۔ *(روح البیان، الصافات، تحت الآیۃ:    ۱۸۱، ۷ / ۵۰۰ ، خازن، والصافات، تحت الآیۃ:    ۱۸۱ ، ۴/ ۲۹ ، ملتقطاً )*   اور ہم چونکہ سیّد المرسَلین صَلَّی اللہ تَعَالٰی عَلَیْہِ وَاٰلِہٖ وَسَلَّمَ       کی امت ہیں اس لئے ہم پر ان کی پیروی لازم ہے۔   

 *سورہِ صافّات کی آخری 3 آیات کی فضیلت:-*     

سورہِ صافّات کی ان آخری 3 آیات کی بہت فضیلت ہے ،چنانچہ  حضرت ارقم       رَضِیَ اللہ تَعَالٰی عَنْہُ سے روایت ہے،حضورِ اقدس صَلَّی اللہ تَعَالٰی عَلَیْہِ وَاٰلِہٖ وَسَلَّمَ  نے ارشاد فرمایا: ’’جس نے ہر نماز کے بعد تین مرتبہ کہا: سُبْحٰنَ رَبِّكَ رَبِّ الْعِزَّةِ عَمَّا یَصِفُوْنَۚ(۱۸۰)  وَ سَلٰمٌ عَلَى الْمُرْسَلِیْنَۚ(۱۸۱)       وَ الْحَمْدُ لِلّٰهِ رَبِّ الْعٰلَمِیْنَ  ’’تو اس نے اپنا اجر کا پیمانہ بھر لیا۔ *(معجم الکبیر، عبد اللّٰہ بن زید بن ارقم عن ابیہ،۵ / ۲۱۱، الحدیث: ۵۱۲۴)*   

 اور حضرت علی المرتضیٰ کَرَّمَ اللہ تَعَالٰی وَجْہَہُ الْکَرِیْم  فرماتے ہیں ،جسے یہ پسند ہو کہ قیامت کے دن اسے اجر کا پیمانہ بھر بھر کے دیا جائے تو اسے چاہئے کہ اس کی مجلس کا آخری کلام یہ ہو:  سُبْحٰنَ رَبِّكَ رَبِّ الْعِزَّةِ عَمَّا یَصِفُوْنَۚ(۱۸۰) وَ سَلٰمٌ عَلَى الْمُرْسَلِیْنَۚ(۱۸۱) وَ الْحَمْدُ لِلّٰهِ رَبِّ الْعٰلَمِیْنَ   ‘‘ *(تفسیر بغوی، الصافات، تحت الآیۃ:  ۱۸۲، ۴ / ۴۰)*