Rasoolallah ﷺ Ka Ilm e Gaib
🌹Rasoolallah ﷺ Ka Ilm e Gaib*
Ahle Sunnat Wa Jama'at Ka Aqeeda - Allah Ta'ala A'alimul Gaib Hai Aur Yeh Sifat Allah Ta'ala Ki Khaas Sifat Hai Aur Rasoolallah ﷺ A'alim e Gaib Hai Matlab Allah Ta'ala Ne Rasoolallah ﷺ Ko Gaib Ka Ilm Diya Hai.
Note - Sureh Ana'am Ki Ayat No.50 Aur Sureh A'araaf Ki Ayat No.188 Me Allah Ta'ala Ne Jo Rasoolallah ﷺ Se Kahelwaya Hai Ke "Aap Farma Do Ke Mai Gaib Nahi Jaanta" To Iss Ayat Me Rasoolallah ﷺ Keliye Zaati Ilm e Gaib Ki Nafi Ki Gayi Hai Na Ke Atayi. Dekhiye Tafseer e Neshapuri, Shifa Shareef, Naseemur Riyaz Aur Tafseer e Khaazin.
1 - Sureh Aale Imran Ayat No.179
*Tarjuma* - Allah Musalmano Ko Iss Haal Par Chhodhne Ka Nahi Jiss Par Tum Ho Jab Tak Juda Na Karde Gande Ko Suthre Se Aur Allah Ki Shaan Nahi Ke Aye A'am Logo Tumhe Gaib Ka Ilm Dede Haa Allah Chun Leta Hai Apne Rasoolo Se Jise Chahe To Iman Lao Allah Aur Uske Rasoolo Par Aur Agar Iman Lao Aur Parhezgari Karo To Tumhare Liye Bada Sawab Hai.
2 - *Sureh Jinn Ayat No.26/27*
*Tarjuma* - Gaib Ka Jaanne Wala To Apne Gaib Par Kisi Ko Musallat Nahi Karta Siwaye Apne Pasandeeda Rasoolo Ke Ke Unke Aage Peechhe Pehra Muqarrar Kardeta Hai
3 - *Sureh Nisa Ayat No.113*
*Tarjuma* - Aur Aye Mehboob Agar Allah Ka Fazl Wa Rehmat Tum Par Na Hota To Inme Ke Kuch Log Yeh Chahte Ke Tumhe Dhoka De De Aur Woh Apne Hi Aapko Ko Behka Rahe Hai Aur Tumhara Kuch Na Bigadege Aur Allah Ne Tum Par Kitab Aur Hikmat Utari Aur Tumhe Sikha Diya Jo Kuch Tum Na Jaante The Aur Allah Ka Tum Par Bada Fazl Hai.
4 - *Sureh Takweer Ayat No.23/24*
*Tarjuma* - Aur Beshak Unhone Use Roshan Kinara Par Dekha Aur Yeh Nabi Gaib Batane Me Bakheel Nahi.
5 - *Sahih Bukhari, Hadees No.3192*
*Tarjuma* - Hazrat Umar Radiallahu Anhu Se Riwayat Hai Ke Ek Martaba Nabi e Kareem ﷺ Ne Mimbar Par Khade Ho Kar Hume Wa'az Farmaya Aur Ibteda e Khalq (Makhlooq Ki Ibteda) Ke Baare Me Hume Khabar Di Yaha Tak Ke Jab Jannat Wale Apni Manzilo Me Dakhil Ho Jayege Aur Jahannam Wale Apne Thikano Me Pahoch Jayege (Waha Tak Saari Tafseel Ko Aapne Bayan Farmaya) Jise Iss Hadees Ko Yaad Rakhna Tha Usne Yaad Rakha Aur Jise Bhoolna Tha Woh Bhool Gaya.
6 - *Sahih Muslim, Hadees No.7267*
*Tarjuma* - Hazrat Abu Zaid Umro Bin khtab Radiallahu Anhu Se Riwayat Hai Ke Rasoolallah ﷺ Ne Hume Fajr Ki Namaz Padhayi Aur Mimbar Par Ronak Afroz Huwe To Hume Khutba Diya Yaha Tak Ke Zohar Ki Namaz Ka Waqt Hogaya Aap (Mimbar) Se Utre Hume Namaz Padhayi Phir Dobara Mimbar Par Ronak Afroz Huwe Aur (Aage) Khutba Irshad Farmaya Yaha Tak Ke Asr Ki Namaz Ka Waqt Hogaya Phir Aap Utre Namaz Padhayi Aur Phir Mimbar Par Tashreef Legaye Aur Khutba Diya Yaha Tak Ke Suraj Guroob Hogaya, Aapne Jo Huwa Aur Jo Hone Wala Tha (Sab) Hume Bata Diya Hum Me Se Zyada Jaanne Wala Wohi Hai Jo Yaad Daasht Me Doosro Se Badh Kar Hai.
7 - *Sahih Muslim, Hadees No.7265*
*Tarjuma* - Hazrat Huzaifa Radiallahu Anhu Farmate Hai Ke Rasoolallah ﷺ Ne Qayamat Qayam Hone Tak Jo Kuch Hone Wala Hai Uski Mujhe Khabar Di Aur Unme Se Koi Cheez Nahi Magar Maine Aapse Uske Baare Me Sawal Kiya Albatta Maine Aapse Yeh Sawal Nahi Kiya Ke Ahle Madeena Ko Madeena Se Konsi Cheez Bahar Nikalegi.
8 - *Sahih Muslim, Hadees No.7259*
*Tarjuma* - Hazrat Sobaan Radiallahu Anhu Se Riwayat Hai Ke Rasoolallah ﷺ Ne Farmaya Beshak Allah Ta'ala Ne Zameen Ko Mere Liye Samet Diya Hatta Ke Maine Uske Mashariq Wa Magarib Ko Dekh Liya Aur Usne Mujhe Surkh Aur Safed 2 Khazane Ata Farmaye.
9 - *Tirmizi Shareef, Hadees No.3234*
*Tarjuma* - Nabi e Akram ﷺ Ne Farmaya Mujhe Mera Rab Behtareen Soorat Me Nazar Aaya Aur Usne Mujhse Kaha : Ya Muhammad ! Maine Kaha : Mere Rab ! Main Teri Khidmat Me Hazir Wa Maujood Hu, Kaha : Oonche Martabe Wale Farishto Ki Jama'at Kis Baat Par Jhagad Rahi Hai? Maine Arz Kiya : (Mere) Rab ! Main Nahi Jaanta, (Ispar) Mere Rab Ne Dast e Shafkat Wa Izzat Mere Dono Shaanu (Kandho) Ke Darmiyan Rakha Jiski Thandak Maine Apni Chhatiyo Ke Darmiyan (Seene Me) Mehsoos Ki Aur Mujhe Mashriq Wa Magrib Ke Darmiyan Ki Cheezo Ka Ilm Hasil Hogaya, (Phir) Kaha : Ya Muhammad ! Maine Arz Kiya : (Mere) Rab ! Main Hazir Hu, Aur Tere Huzoor Meri Maujoodgi Meri Khush Bakhti Hai, Farmaya : Farishto Ke Oonche Martabe Wali Jama'at Kis Baat Par Jhagad Rahi Hai? Maine Kaha : Insan Ka Darja Wa Martaba Badhane Wali Aur Gunaho Ko Mitane Wali Cheezo Ke Baare Me Takraar Karrahe Hai. (Sahih Hadees)
10 - *Sahih Bukhari, Hadees No.3675*
*Tarjuma* - Hazrate Anas Bin Malik Radiallahu Anhu Se Riwayat Hai Ke Jab Nabi e Kareem ﷺ, Hazrat Abu Bakar, Hazrat Umar Aur Hazrat Usman Ko Sath Lekar Ohad Pahad Par Chadhe To Ohad Kaanp Utha, Rasoolallah ﷺ Ne Farmaya : Ohad Thaher Ja Ke Tujh Par Ek Nabi, Ek Siddique Aur 2 Shaheed Hai.
*Note* - Rasoolallah ﷺ Ko Yeh Bhi Ma'loom Hai Ke Kiski Maut Kaise Hogi, Matlab Maut Ka Bhi Ilm Hai Mere Pyare Aaqa Rasool e Kareem ﷺ Ko.
11 - *Sahih Muslim, Hadees No.7222*
*Tarjuma* - Hazrat Umar e Farooque Radiallahu Anhu Se Riwayat Hai Ke Rasoolallah ﷺ Ek Din Pehle Hume Badar (Jang e Badar Me Qatl Hone) Walo Ke Girne Ki Jagahe (Jagah) Dikha Rahe The, Rasoolallah ﷺ Farma Rahe The, Insha Allah ! Kal Fulaan Ke Qatl Hone Ki Jagah Yeh Hogi, To Hazrat Umar Radiallahu Anhu Ne Kaha : Uss Zaat Ki Qasam Jisne Rasoolallah ﷺ Ko Haq Ke Sath Bheja ! Woh Log Un Jagaho Ke Kinaro Se Zara Bhi Idhar Udhar (Qatl) Nahi Huwe The Jinki Nishandahi Rasoolallah ﷺ Ne Ki Thi, (Hazrat Umar Ne) Kaha : Phir (Unki Lasho) Ko Ek Doosre Ke Upar Kuwe Me Daal Diya Gaya To Rasoolallah ﷺ Chal Kar Unke Paas Pahoche Aur Farmaya : Ya Fulaan Bin Fulaan Aur Ya Fulaan Bin Fulaan ! Kya Tumne Allah Aur Uske Rasool Se Kiye Huwe Wa'de Ko Sachcha Paaya? Bila Shubah Maine Iss Wa'de Ko Bilkul Sachcha Paaya Hai Jo Allah Ne Mere Sath Kiya Tha, Hazrat Umar Radiallahu Anhu Ne Kaha Ya Rasoolallah ﷺ ! Aap In Jismo Se Kaise Baat Karrahe Hai Jinme Roohe Nahi Hai? Rasoolallah ﷺ Ne Farmaya : Mai Jo Kuch Keh Raha Hu Tum Log Isko In Se Zyada Sunne Wale Nahi Ho Magar Woh Meri Baat Ka Koi Jawab Dene Ki Taqat Nahi Rakhte.
12 - *Sahih Bukhari, Hadees No.218*
*Tarjuma* - Hazrat Abdullah Bin Abbas Radiallahu Anhu Se Riwayat Hai Ke Rasoolallah ﷺ Do Aisi Qabro Ke Paas Se Guzre Jinme Azab Horaha Tha To Irshad Farmaya : Inhe Azab Horaha Hai Aur Inko Azab Kisi Aisi Shay (Cheez) Ki Wajah Se Nahi Diya Jaraha Hai Jisse Bachna Bahot Mushkil Ho Ek To Peshab Ke Chheeto Se Nahi Bachta Tha Aur Doosra Chugli Kiya Karta Tha.
*Note* - Rasoolallah ﷺ Ko Yeh Bhi Ilm Hai Ke Kon Kab Aur Kaha Marega Aur Yeh Bhi Ilm Hai Ke Qabr Ke Andar Kya Horaha Hai Aur Uski Wajah Kya Hai.
13 - *Hilyatul Auliya, Hudair Bin Kuraib, Jild 6, Safha No.107, Hadees No.7979*
*Tarjuma* - Hazrat Abdullah Bin Umar Radiallahu Anhu Se Riwayat Hai Ke Rasoolallah ﷺ Ne Irshad Farmaya Beshak Mere Samne Allah Ta'ala Ne Duniya Uthali Hai Aur Mai Use Aur Jo Kuch Usme Qayamat Tak Hone Wala Hai Sab Kuch Aise Dekh Raha Hu Jaise Apni Hatheli Ko Dekh Raha Hu Uss Roshni Ke Sabab Jo Allah Ta'ala Ne Apne Nabi Keliye Roshan Farmayi Jaise Muhammad Se Pehle Ambiya e Kiraam Keliye Roshan Ki Thi.
14 - *M'ojamul Kabeer, Huzaifa Bin Usaid, Jild No.3, Safha No.181, Hadees No.3054*
*Tarjuma* - Hazrat Huzaifa Bin Usaid Radiallahu Anhu Se Riwayat Hai Ke Rasoolallah ﷺ Ne Irshad Farmaya Guzishta Raat Mujh Par Meri Ummat Iss Hujre Ke Paas Mere Samne Pesh Ki Gayi, Beshak Mai Unke Har Shaksh Ko Usse Zyada Pehchanta Hu Jaisa Tum Me Koi Apne Sathi Ko Pehchanta Hai.
15 - *M'ojamul Kabeer, Jild No.10, Safha No.225, Hadees No.10548*
*Tarjuma* - Hazrat Abdullah Bin Mas'ood Radiallahu Anhu Farmate Hai Ke Suleh Hadibiya Se Wapsi Par Ek Jagah Rasoolallah ﷺ Aur Sahaba Ke Oont Muntashir Hogaye, Sab Apne Apne Oont Wapas Le Aaye Lekin Rasoolallah ﷺ Ki Oontni Na Mili, Rasoolallah ﷺ Ne Mujhse Irshad Farmaya Ke Waha Se Oontni Le Aa, To Maine Oontni Ko Usi Haal Me Pakad Liya Jaisa Mujhse Rasoolallah ﷺ Ne Farmaya Tha.
16 - *Tafseer e Baizawi & Tafseer e Jamal, Sureh Jinn Ayat No.26/27*
*Tarjuma* - Iss Ayat Ke Tahet Sahib e Tafseer e Baizawi Aur Sahib e Tafseer e Jamal Likhte Hai Ke "Allah Ta'ala Gaib Ka Jaanne Wala Hai To Woh Apne Uss Gaib Par Jiska Ilm Uske Sath Khaas Hai, Apne Pasandeeda Rasoolo Ke Alawa Kisi Ko Kaamil Ittela'a Nahi Deta Jisse Haqeeqat e Haal Mukammal Taur Par Munkashif Ho Jaaye Aur Uske Sath Yaqeen Ka A'ala Darja Haasil Ho (Aur Rasoolo Ko) Unme Se Ba'az Guyoob Ka Ilm, Kaamil Ittela'a Aur Kashf e Taam Ke Sath Isliye Deta Hai Ke Woh Ilm e Gaib Unkeliye Mo'jeza Ho Aur Allah Ta'ala Un Rasoolo Ke Aage Peechhe Pehredar Farishte Muqarrar Kardeta Hai Jo Shaitan Ke Ikhtelat Se Unki Hifazat Karte Hain".
17 - *Shifa Shareef, Jild No.1, Safha No.335/336*
*Tarjuma* - Imam Qazi Ayaz Rehmatullah Alaih Farmate Hai "Rasoolallah ﷺ Ke Mo'jezat Me Se Yeh Hai Ke Allah Ta'ala Ne Aapko Guyoob Par Muttal'e Farmaya Hai Aur Ainda (Aage) Hone Wale Waqea'at Se Ba Khabar Kiya, Iss Baab Me Ahadees Ka Woh Behre Zakkhaar Hai Ke Koi Iski Gehrayi Jaan Hi Nahi Sakta Aur Na Uska Pani Khatm Hota Hai, Rasoolallah ﷺ Ke Mo'jezat Me Se Yeh Ek Aisa Mo'jeza Hai Jo Yaqeen Aur Wusooq Se Ma'loom Hai Aur Hum Tak Iski Khabre Mutawatir Tareeqe Se Kasrat Se Pahochi Hai Aur Gaib Par Ittela' Hone Par In Ahadees Ke Ma'ani Wa Matalib Apas Me Muttahid Hain".
18 - *Nseemur Riyaz, Jild No.4, Safha No.149*
*Tarjuma* - Allama Shahabuddin Ahmed Bin Muhammad Khafaji Rehmatullah Alaih Farmate Hai Ke "Yeh Wazahat Un Qura'ni Aayaat Ke Munafi Nahi Jinme Yeh Irshad Farmaya Gaya Hai Ke Allah Ta'ala Ke Alawa Aur Koi Ilm e Gaib Nahi Jaanta Aur Iss Aayat e Kareema "Sureh A'araaf Ayat No.188" Me Kisi Waaste Ke Bagair (Ya'ani Ilm e Zaati) Ki Nafi Ki Gayi Hai Albatta Allah Ta'ala Ke Batane Se Rasoolallah ﷺ Ka Gaib Par Muttal'e Hona Sabit Hai Aur Uski Daleel Allah Ta'ala Ka Yeh Farman Hai "Sureh Jinn Ayat No.26/27".
19 - *Tafseer e Khaazin, 2/167*
*Tarjuma* - Allama Ali Bin Muhammad Khazin Rehmatullah Alaih Farmate Hai Ke Iss Ayat "Sureh A'araaf Ayat No.188" Me Iss Baat Ka Ahtemal Hai Ke Rasoolallah ﷺ Ne Yeh Kalaam Tawaz'o Aur Adab Ke Taur Par Farmaya Ho Aur Matlab Yeh Hai Ke Mai Gaib Nahi Jaanta Magar Yeh Ke Allah Ta'ala Ne Jiski Mujhe Ittela' Di Aur Jo Mere Liye Muqarrar Farmaya Mai Sirf Usi Ko Jaanta Hu.
20 - *Tafseer e Khazin, 2/167*
*Tarjuma* - Allama Ali Bin Muhammad Khazin Rehmatullah Alaih Farmate Hai Ke Iss Ayat *"Sureh A'araaf Ayat No.188" Me Yeh Bhi Ahtemal Hai Ke Yeh Kalaam Kuffaar Ke Sawal Ke Jawab Me Sadir Huwa, Phir Iske Ba'ad Allah Ta'ala Ne Gaibi Ashya (Cheezo) Ko Rasoolallah ﷺ Par Zahir Kiya Aur Rasoolallah ﷺ Ne Unki Khabar Di Taake Yeh Rasoolallah ﷺ Ka Mo'jeza Aur Aapki Nabuwwat Sahih Hone Par Daleel Ban Jaaye.
21 - *Tafseer e Khazin 2/17 & Tafseer e Madarik Safha No.322 & Tafseer e Jamal 2/353*
*Tarjuma* - In Teeno Tafaseer Me Hai Ke "Sureh Ana'am Ayat No.50" Ko Daleel Banake Yeh Aqeeda Rakhna Ke Rasoolallah ﷺ Ko Ilm e Gaib Nahi Hai To Yeh Tareeqa Kuffaar Ka Hai Aur Iss Ayat Se Rasoolallah ﷺ Ke Ilm e Gaib e Atayi Ki Nafi Kisi Tarah Murad Hi Nahi Ho Sakti Kyuke Iss Soorat Me Ayato Me Ta'arruz (Takrao) Ka Qayel Hona Padega Aur Yeh Bilkul Batil Hai.
22 - *Tafseer e Neshapuri, 3/83*
*Tarjuma* - Allama Nizamuddin Hasan Bin Muhammad Neshapuri Rehmatullah Alaih "Sureh Ana'am Ayat No.50" Ke Tahet Farmate Hai "Irshad Huwa Ke" Aye Nabi ! Farma Do Ke Mai Tumse Nahi Kehta Ke Mere Paas Allah Ta'ala Ke Khazane Hai "Yaha Yeh Nahi Farmaya Ke Allah Ta'ala Ke Khazane Mere Paas Nahi (Balke Yeh Farmaya Ke Mai Tumse Yeh Nahi Kehta Ke Mere Paas Allah Ta'ala Ke Khazane Hai) Taake Ma'loom Ho Jaaye Ke Allah Ta'ala Ke Khazane Rasoolallah ﷺ Ke Paas Hai Magar Rasoolallah ﷺ Logo Se Unki Samajh Ke Qaabil Baat Farmate Hai (Isliye Rasoolallah ﷺ Ne Unse Aisa Farmaya) Aur Woh Khazane "Tamam Ashya Ki Haqeeqat Wa Mahiyat Ka Ilm" Hai Rasoolallah ﷺ Ne Isi Ke Milne Ki Dua Ki Aur Allah Ta'ala Ne Qabool Farmayi, Phir Farmaya Mai Nahi Jaanta Ya'ni Tumse Nahi Kehta Ke Mujhe Gaib Ka Ilm Hai, Warna Rasoolallah ﷺ To Khud Farmate Hai "Mujhe Ma Kaana Wama Yakoon" Ka Ilm Mila Ya'ni Jo Kuch Ho Guzra Aur Jo Kuch Qayamat Tak Hone Wala Hai Sabka Ilm Mujhe Ata Kiya Gaya.
Ahle Sunnat Wa Jama'at Ka Aqeeda - Allah Ta'ala A'alimul Gaib Hai Aur Yeh Sifat Allah Ta'ala Ki Khaas Sifat Hai Aur Rasoolallah ﷺ A'alim e Gaib Hai Matlab Allah Ta'ala Ne Rasoolallah ﷺ Ko Gaib Ka Ilm Diya Hai.
Note - Sureh Ana'am Ki Ayat No.50 Aur Sureh A'araaf Ki Ayat No.188 Me Allah Ta'ala Ne Jo Rasoolallah ﷺ Se Kahelwaya Hai Ke "Aap Farma Do Ke Mai Gaib Nahi Jaanta" To Iss Ayat Me Rasoolallah ﷺ Keliye Zaati Ilm e Gaib Ki Nafi Ki Gayi Hai Na Ke Atayi. Dekhiye Tafseer e Neshapuri, Shifa Shareef, Naseemur Riyaz Aur Tafseer e Khaazin.
1 - Sureh Aale Imran Ayat No.179
*Tarjuma* - Allah Musalmano Ko Iss Haal Par Chhodhne Ka Nahi Jiss Par Tum Ho Jab Tak Juda Na Karde Gande Ko Suthre Se Aur Allah Ki Shaan Nahi Ke Aye A'am Logo Tumhe Gaib Ka Ilm Dede Haa Allah Chun Leta Hai Apne Rasoolo Se Jise Chahe To Iman Lao Allah Aur Uske Rasoolo Par Aur Agar Iman Lao Aur Parhezgari Karo To Tumhare Liye Bada Sawab Hai.
2 - *Sureh Jinn Ayat No.26/27*
*Tarjuma* - Gaib Ka Jaanne Wala To Apne Gaib Par Kisi Ko Musallat Nahi Karta Siwaye Apne Pasandeeda Rasoolo Ke Ke Unke Aage Peechhe Pehra Muqarrar Kardeta Hai
3 - *Sureh Nisa Ayat No.113*
*Tarjuma* - Aur Aye Mehboob Agar Allah Ka Fazl Wa Rehmat Tum Par Na Hota To Inme Ke Kuch Log Yeh Chahte Ke Tumhe Dhoka De De Aur Woh Apne Hi Aapko Ko Behka Rahe Hai Aur Tumhara Kuch Na Bigadege Aur Allah Ne Tum Par Kitab Aur Hikmat Utari Aur Tumhe Sikha Diya Jo Kuch Tum Na Jaante The Aur Allah Ka Tum Par Bada Fazl Hai.
4 - *Sureh Takweer Ayat No.23/24*
*Tarjuma* - Aur Beshak Unhone Use Roshan Kinara Par Dekha Aur Yeh Nabi Gaib Batane Me Bakheel Nahi.
5 - *Sahih Bukhari, Hadees No.3192*
*Tarjuma* - Hazrat Umar Radiallahu Anhu Se Riwayat Hai Ke Ek Martaba Nabi e Kareem ﷺ Ne Mimbar Par Khade Ho Kar Hume Wa'az Farmaya Aur Ibteda e Khalq (Makhlooq Ki Ibteda) Ke Baare Me Hume Khabar Di Yaha Tak Ke Jab Jannat Wale Apni Manzilo Me Dakhil Ho Jayege Aur Jahannam Wale Apne Thikano Me Pahoch Jayege (Waha Tak Saari Tafseel Ko Aapne Bayan Farmaya) Jise Iss Hadees Ko Yaad Rakhna Tha Usne Yaad Rakha Aur Jise Bhoolna Tha Woh Bhool Gaya.
6 - *Sahih Muslim, Hadees No.7267*
*Tarjuma* - Hazrat Abu Zaid Umro Bin khtab Radiallahu Anhu Se Riwayat Hai Ke Rasoolallah ﷺ Ne Hume Fajr Ki Namaz Padhayi Aur Mimbar Par Ronak Afroz Huwe To Hume Khutba Diya Yaha Tak Ke Zohar Ki Namaz Ka Waqt Hogaya Aap (Mimbar) Se Utre Hume Namaz Padhayi Phir Dobara Mimbar Par Ronak Afroz Huwe Aur (Aage) Khutba Irshad Farmaya Yaha Tak Ke Asr Ki Namaz Ka Waqt Hogaya Phir Aap Utre Namaz Padhayi Aur Phir Mimbar Par Tashreef Legaye Aur Khutba Diya Yaha Tak Ke Suraj Guroob Hogaya, Aapne Jo Huwa Aur Jo Hone Wala Tha (Sab) Hume Bata Diya Hum Me Se Zyada Jaanne Wala Wohi Hai Jo Yaad Daasht Me Doosro Se Badh Kar Hai.
7 - *Sahih Muslim, Hadees No.7265*
*Tarjuma* - Hazrat Huzaifa Radiallahu Anhu Farmate Hai Ke Rasoolallah ﷺ Ne Qayamat Qayam Hone Tak Jo Kuch Hone Wala Hai Uski Mujhe Khabar Di Aur Unme Se Koi Cheez Nahi Magar Maine Aapse Uske Baare Me Sawal Kiya Albatta Maine Aapse Yeh Sawal Nahi Kiya Ke Ahle Madeena Ko Madeena Se Konsi Cheez Bahar Nikalegi.
8 - *Sahih Muslim, Hadees No.7259*
*Tarjuma* - Hazrat Sobaan Radiallahu Anhu Se Riwayat Hai Ke Rasoolallah ﷺ Ne Farmaya Beshak Allah Ta'ala Ne Zameen Ko Mere Liye Samet Diya Hatta Ke Maine Uske Mashariq Wa Magarib Ko Dekh Liya Aur Usne Mujhe Surkh Aur Safed 2 Khazane Ata Farmaye.
9 - *Tirmizi Shareef, Hadees No.3234*
*Tarjuma* - Nabi e Akram ﷺ Ne Farmaya Mujhe Mera Rab Behtareen Soorat Me Nazar Aaya Aur Usne Mujhse Kaha : Ya Muhammad ! Maine Kaha : Mere Rab ! Main Teri Khidmat Me Hazir Wa Maujood Hu, Kaha : Oonche Martabe Wale Farishto Ki Jama'at Kis Baat Par Jhagad Rahi Hai? Maine Arz Kiya : (Mere) Rab ! Main Nahi Jaanta, (Ispar) Mere Rab Ne Dast e Shafkat Wa Izzat Mere Dono Shaanu (Kandho) Ke Darmiyan Rakha Jiski Thandak Maine Apni Chhatiyo Ke Darmiyan (Seene Me) Mehsoos Ki Aur Mujhe Mashriq Wa Magrib Ke Darmiyan Ki Cheezo Ka Ilm Hasil Hogaya, (Phir) Kaha : Ya Muhammad ! Maine Arz Kiya : (Mere) Rab ! Main Hazir Hu, Aur Tere Huzoor Meri Maujoodgi Meri Khush Bakhti Hai, Farmaya : Farishto Ke Oonche Martabe Wali Jama'at Kis Baat Par Jhagad Rahi Hai? Maine Kaha : Insan Ka Darja Wa Martaba Badhane Wali Aur Gunaho Ko Mitane Wali Cheezo Ke Baare Me Takraar Karrahe Hai. (Sahih Hadees)
10 - *Sahih Bukhari, Hadees No.3675*
*Tarjuma* - Hazrate Anas Bin Malik Radiallahu Anhu Se Riwayat Hai Ke Jab Nabi e Kareem ﷺ, Hazrat Abu Bakar, Hazrat Umar Aur Hazrat Usman Ko Sath Lekar Ohad Pahad Par Chadhe To Ohad Kaanp Utha, Rasoolallah ﷺ Ne Farmaya : Ohad Thaher Ja Ke Tujh Par Ek Nabi, Ek Siddique Aur 2 Shaheed Hai.
*Note* - Rasoolallah ﷺ Ko Yeh Bhi Ma'loom Hai Ke Kiski Maut Kaise Hogi, Matlab Maut Ka Bhi Ilm Hai Mere Pyare Aaqa Rasool e Kareem ﷺ Ko.
11 - *Sahih Muslim, Hadees No.7222*
*Tarjuma* - Hazrat Umar e Farooque Radiallahu Anhu Se Riwayat Hai Ke Rasoolallah ﷺ Ek Din Pehle Hume Badar (Jang e Badar Me Qatl Hone) Walo Ke Girne Ki Jagahe (Jagah) Dikha Rahe The, Rasoolallah ﷺ Farma Rahe The, Insha Allah ! Kal Fulaan Ke Qatl Hone Ki Jagah Yeh Hogi, To Hazrat Umar Radiallahu Anhu Ne Kaha : Uss Zaat Ki Qasam Jisne Rasoolallah ﷺ Ko Haq Ke Sath Bheja ! Woh Log Un Jagaho Ke Kinaro Se Zara Bhi Idhar Udhar (Qatl) Nahi Huwe The Jinki Nishandahi Rasoolallah ﷺ Ne Ki Thi, (Hazrat Umar Ne) Kaha : Phir (Unki Lasho) Ko Ek Doosre Ke Upar Kuwe Me Daal Diya Gaya To Rasoolallah ﷺ Chal Kar Unke Paas Pahoche Aur Farmaya : Ya Fulaan Bin Fulaan Aur Ya Fulaan Bin Fulaan ! Kya Tumne Allah Aur Uske Rasool Se Kiye Huwe Wa'de Ko Sachcha Paaya? Bila Shubah Maine Iss Wa'de Ko Bilkul Sachcha Paaya Hai Jo Allah Ne Mere Sath Kiya Tha, Hazrat Umar Radiallahu Anhu Ne Kaha Ya Rasoolallah ﷺ ! Aap In Jismo Se Kaise Baat Karrahe Hai Jinme Roohe Nahi Hai? Rasoolallah ﷺ Ne Farmaya : Mai Jo Kuch Keh Raha Hu Tum Log Isko In Se Zyada Sunne Wale Nahi Ho Magar Woh Meri Baat Ka Koi Jawab Dene Ki Taqat Nahi Rakhte.
12 - *Sahih Bukhari, Hadees No.218*
*Tarjuma* - Hazrat Abdullah Bin Abbas Radiallahu Anhu Se Riwayat Hai Ke Rasoolallah ﷺ Do Aisi Qabro Ke Paas Se Guzre Jinme Azab Horaha Tha To Irshad Farmaya : Inhe Azab Horaha Hai Aur Inko Azab Kisi Aisi Shay (Cheez) Ki Wajah Se Nahi Diya Jaraha Hai Jisse Bachna Bahot Mushkil Ho Ek To Peshab Ke Chheeto Se Nahi Bachta Tha Aur Doosra Chugli Kiya Karta Tha.
*Note* - Rasoolallah ﷺ Ko Yeh Bhi Ilm Hai Ke Kon Kab Aur Kaha Marega Aur Yeh Bhi Ilm Hai Ke Qabr Ke Andar Kya Horaha Hai Aur Uski Wajah Kya Hai.
13 - *Hilyatul Auliya, Hudair Bin Kuraib, Jild 6, Safha No.107, Hadees No.7979*
*Tarjuma* - Hazrat Abdullah Bin Umar Radiallahu Anhu Se Riwayat Hai Ke Rasoolallah ﷺ Ne Irshad Farmaya Beshak Mere Samne Allah Ta'ala Ne Duniya Uthali Hai Aur Mai Use Aur Jo Kuch Usme Qayamat Tak Hone Wala Hai Sab Kuch Aise Dekh Raha Hu Jaise Apni Hatheli Ko Dekh Raha Hu Uss Roshni Ke Sabab Jo Allah Ta'ala Ne Apne Nabi Keliye Roshan Farmayi Jaise Muhammad Se Pehle Ambiya e Kiraam Keliye Roshan Ki Thi.
14 - *M'ojamul Kabeer, Huzaifa Bin Usaid, Jild No.3, Safha No.181, Hadees No.3054*
*Tarjuma* - Hazrat Huzaifa Bin Usaid Radiallahu Anhu Se Riwayat Hai Ke Rasoolallah ﷺ Ne Irshad Farmaya Guzishta Raat Mujh Par Meri Ummat Iss Hujre Ke Paas Mere Samne Pesh Ki Gayi, Beshak Mai Unke Har Shaksh Ko Usse Zyada Pehchanta Hu Jaisa Tum Me Koi Apne Sathi Ko Pehchanta Hai.
15 - *M'ojamul Kabeer, Jild No.10, Safha No.225, Hadees No.10548*
*Tarjuma* - Hazrat Abdullah Bin Mas'ood Radiallahu Anhu Farmate Hai Ke Suleh Hadibiya Se Wapsi Par Ek Jagah Rasoolallah ﷺ Aur Sahaba Ke Oont Muntashir Hogaye, Sab Apne Apne Oont Wapas Le Aaye Lekin Rasoolallah ﷺ Ki Oontni Na Mili, Rasoolallah ﷺ Ne Mujhse Irshad Farmaya Ke Waha Se Oontni Le Aa, To Maine Oontni Ko Usi Haal Me Pakad Liya Jaisa Mujhse Rasoolallah ﷺ Ne Farmaya Tha.
16 - *Tafseer e Baizawi & Tafseer e Jamal, Sureh Jinn Ayat No.26/27*
*Tarjuma* - Iss Ayat Ke Tahet Sahib e Tafseer e Baizawi Aur Sahib e Tafseer e Jamal Likhte Hai Ke "Allah Ta'ala Gaib Ka Jaanne Wala Hai To Woh Apne Uss Gaib Par Jiska Ilm Uske Sath Khaas Hai, Apne Pasandeeda Rasoolo Ke Alawa Kisi Ko Kaamil Ittela'a Nahi Deta Jisse Haqeeqat e Haal Mukammal Taur Par Munkashif Ho Jaaye Aur Uske Sath Yaqeen Ka A'ala Darja Haasil Ho (Aur Rasoolo Ko) Unme Se Ba'az Guyoob Ka Ilm, Kaamil Ittela'a Aur Kashf e Taam Ke Sath Isliye Deta Hai Ke Woh Ilm e Gaib Unkeliye Mo'jeza Ho Aur Allah Ta'ala Un Rasoolo Ke Aage Peechhe Pehredar Farishte Muqarrar Kardeta Hai Jo Shaitan Ke Ikhtelat Se Unki Hifazat Karte Hain".
17 - *Shifa Shareef, Jild No.1, Safha No.335/336*
*Tarjuma* - Imam Qazi Ayaz Rehmatullah Alaih Farmate Hai "Rasoolallah ﷺ Ke Mo'jezat Me Se Yeh Hai Ke Allah Ta'ala Ne Aapko Guyoob Par Muttal'e Farmaya Hai Aur Ainda (Aage) Hone Wale Waqea'at Se Ba Khabar Kiya, Iss Baab Me Ahadees Ka Woh Behre Zakkhaar Hai Ke Koi Iski Gehrayi Jaan Hi Nahi Sakta Aur Na Uska Pani Khatm Hota Hai, Rasoolallah ﷺ Ke Mo'jezat Me Se Yeh Ek Aisa Mo'jeza Hai Jo Yaqeen Aur Wusooq Se Ma'loom Hai Aur Hum Tak Iski Khabre Mutawatir Tareeqe Se Kasrat Se Pahochi Hai Aur Gaib Par Ittela' Hone Par In Ahadees Ke Ma'ani Wa Matalib Apas Me Muttahid Hain".
18 - *Nseemur Riyaz, Jild No.4, Safha No.149*
*Tarjuma* - Allama Shahabuddin Ahmed Bin Muhammad Khafaji Rehmatullah Alaih Farmate Hai Ke "Yeh Wazahat Un Qura'ni Aayaat Ke Munafi Nahi Jinme Yeh Irshad Farmaya Gaya Hai Ke Allah Ta'ala Ke Alawa Aur Koi Ilm e Gaib Nahi Jaanta Aur Iss Aayat e Kareema "Sureh A'araaf Ayat No.188" Me Kisi Waaste Ke Bagair (Ya'ani Ilm e Zaati) Ki Nafi Ki Gayi Hai Albatta Allah Ta'ala Ke Batane Se Rasoolallah ﷺ Ka Gaib Par Muttal'e Hona Sabit Hai Aur Uski Daleel Allah Ta'ala Ka Yeh Farman Hai "Sureh Jinn Ayat No.26/27".
19 - *Tafseer e Khaazin, 2/167*
*Tarjuma* - Allama Ali Bin Muhammad Khazin Rehmatullah Alaih Farmate Hai Ke Iss Ayat "Sureh A'araaf Ayat No.188" Me Iss Baat Ka Ahtemal Hai Ke Rasoolallah ﷺ Ne Yeh Kalaam Tawaz'o Aur Adab Ke Taur Par Farmaya Ho Aur Matlab Yeh Hai Ke Mai Gaib Nahi Jaanta Magar Yeh Ke Allah Ta'ala Ne Jiski Mujhe Ittela' Di Aur Jo Mere Liye Muqarrar Farmaya Mai Sirf Usi Ko Jaanta Hu.
20 - *Tafseer e Khazin, 2/167*
*Tarjuma* - Allama Ali Bin Muhammad Khazin Rehmatullah Alaih Farmate Hai Ke Iss Ayat *"Sureh A'araaf Ayat No.188" Me Yeh Bhi Ahtemal Hai Ke Yeh Kalaam Kuffaar Ke Sawal Ke Jawab Me Sadir Huwa, Phir Iske Ba'ad Allah Ta'ala Ne Gaibi Ashya (Cheezo) Ko Rasoolallah ﷺ Par Zahir Kiya Aur Rasoolallah ﷺ Ne Unki Khabar Di Taake Yeh Rasoolallah ﷺ Ka Mo'jeza Aur Aapki Nabuwwat Sahih Hone Par Daleel Ban Jaaye.
21 - *Tafseer e Khazin 2/17 & Tafseer e Madarik Safha No.322 & Tafseer e Jamal 2/353*
*Tarjuma* - In Teeno Tafaseer Me Hai Ke "Sureh Ana'am Ayat No.50" Ko Daleel Banake Yeh Aqeeda Rakhna Ke Rasoolallah ﷺ Ko Ilm e Gaib Nahi Hai To Yeh Tareeqa Kuffaar Ka Hai Aur Iss Ayat Se Rasoolallah ﷺ Ke Ilm e Gaib e Atayi Ki Nafi Kisi Tarah Murad Hi Nahi Ho Sakti Kyuke Iss Soorat Me Ayato Me Ta'arruz (Takrao) Ka Qayel Hona Padega Aur Yeh Bilkul Batil Hai.
22 - *Tafseer e Neshapuri, 3/83*
*Tarjuma* - Allama Nizamuddin Hasan Bin Muhammad Neshapuri Rehmatullah Alaih "Sureh Ana'am Ayat No.50" Ke Tahet Farmate Hai "Irshad Huwa Ke" Aye Nabi ! Farma Do Ke Mai Tumse Nahi Kehta Ke Mere Paas Allah Ta'ala Ke Khazane Hai "Yaha Yeh Nahi Farmaya Ke Allah Ta'ala Ke Khazane Mere Paas Nahi (Balke Yeh Farmaya Ke Mai Tumse Yeh Nahi Kehta Ke Mere Paas Allah Ta'ala Ke Khazane Hai) Taake Ma'loom Ho Jaaye Ke Allah Ta'ala Ke Khazane Rasoolallah ﷺ Ke Paas Hai Magar Rasoolallah ﷺ Logo Se Unki Samajh Ke Qaabil Baat Farmate Hai (Isliye Rasoolallah ﷺ Ne Unse Aisa Farmaya) Aur Woh Khazane "Tamam Ashya Ki Haqeeqat Wa Mahiyat Ka Ilm" Hai Rasoolallah ﷺ Ne Isi Ke Milne Ki Dua Ki Aur Allah Ta'ala Ne Qabool Farmayi, Phir Farmaya Mai Nahi Jaanta Ya'ni Tumse Nahi Kehta Ke Mujhe Gaib Ka Ilm Hai, Warna Rasoolallah ﷺ To Khud Farmate Hai "Mujhe Ma Kaana Wama Yakoon" Ka Ilm Mila Ya'ni Jo Kuch Ho Guzra Aur Jo Kuch Qayamat Tak Hone Wala Hai Sabka Ilm Mujhe Ata Kiya Gaya.
Comments
Post a Comment